Yaponların yeni ixtirası – “Gəzən maşın” bəşəriyyətin yeni dövrə keçməsinin ilkin başlağıcı hesab edilir
Filmlərdə gördüyümüz uçan maşınlar, sürətli hərəkət edən ayaqqabılar, deyəsən, tez bir zamanda real olacaq. Yaponiyanın “Cocoa Motors” şirkəti əl çantasına yerləşə bilən “maşın” ixtira edib. 800 dollara başa gələn bu, maşın sürətini saatda 10 kilometrə qədər artıra bilir. 3 saata yaxın enerji saxlaya bilən maşın ilə 12 kilometr məsafə qət edə bilərsiniz.
İstifadə qaydası asan olan maşını ağırlığınla təsir edərək istədiyiniz istiqamətdə sürə bilərsiz. Çəkisi 120 kq-a qədər insanları daşımaq qabiliyyətinə malik olan maşın, 2016-cı ilin yaz fəslində satışa buraxılacaq.
Gəzən maşını ixtira edən Kuniako Saitonun 26 yaşı var. Gənc alim “Maşınımızı çantamızda daşısaq necə olar?!” adlı layihəyə başladığını qeyd edərək, fikrini belə tamamlayıb: “Həmişə Amerika yeni ixtiralar edir. Yaponiya isə bu ixtiraları təkmilləşdirir. Mən Yaponiyanın yeni ixtiralar edə biləcək qabiliyyətə sahib olduğunu bütün dünyaya sübut emək istəyirəm”.
Gülşən Cabbarlı © yapon.az 2015
