Yaponiyadan sonra qara burger Avropa və ABŞ-da… həm də “#greenpoop” heştəqi ilə
Bakı. İmran Zairov (yapon.az)
Ötən qış Yaponiyada istehlakçılara təklif olunan menyusundan ilhamlanan “Burger King” oktyabr ayında “İfritələr bayramı” (“Halloween”) üçün ABŞ, İngiltərə və İspaniyada “Halloween” nəhəngi” adlı qara rəngli çörəkli burgeri satışa çıxartdı. Onun “həyat şirniyyatı” olacağını heç kim gözləmirdi. Burgeri yeyənlərdə yaşıl nəcis yaranırdı. Məlumat isə sosial şəbəkələr vasitəsilə yayıldı. Belə ki, istehlakçılar “Facebook” və “Twitter” sosial şəbəkələrində “#greenpoop” heştəqi ilə öz postlarını paylaşdılar.
Maraqlısı odur ki, Yaponiyada “qara burger” 1 il ərzində satılsa da, yaşıl nəcis haqqında heç bir məlumat verilməmişdi. Bunun səbəbi Yaponiyadakı burgerlərin çörəklərinin kalmarın mürəkkəbindən alınması idi. Yaponların qərbli həmkarları isə süni boyadan istifadə ediblər.
