Yuxarıda dünyanın ən gözəl incilərindən biri, XVII əsrə aid Müqəddəs Pyotr kilsəsini görürsünüz. Yox! Biz profilimizi dəyişməmişik. Bura Vatikan deyil. Şəkildə məhz kilsənin Yaponiyadakı nəhəng maketi təsvir olunub. Maket “Tobu World Square” adlı parkda yerləşir.
“Tobu World Square” Yaponiyanın Toçiqi prefekturasının Nikko şəhərində Kinuqava onsendə tematik parkdır. Tikintisi 5 il davam edən park 1993-cü ildə ziyarətçilərin üzünə açıq elan edilmişdir. Burada 1:25 miqyasında 100-dən çox dünyanın müxtəlif bölgələrindən məşhur tikinti və memarlıq abidələri, o cümlədən, UNESCO-nun Dünya Mədəni İrsi siyahısına daxil olan 45 obyektin maketi, 140.000 insan manekeni yaradılıb.
Parkda Müasir Yaponiya, Yaponiya, Amerika, Asiya, Misir kimi bölmələr vardır. Maketlərin arasında Böyük Çin səddindən tutmuş (b.e.ə. III əsr), Zəfər tağı (Fransa, 1806-1836), Parfenon (Yunanıstan, b.e.ə. 447-438), Kumomoto qəsri (Yaponiya, 1467), Ağ ev (ABŞ, 1792-1800), Xəfrə ehramı (Misir, b.e.ə. 26-25 əsr), Versal sarayı (Fransa, 1078-1079), Tokio İmperial oteli, Narita hava limanının 2-ci terminalı (və s.) belə var.
Park yaponlar və eləcə də, bütün dünyadan turistlərin marağına səbəb olur. Beləliklə də, turistlər bir gün içində dünyanın müxtəlif yerlərindəki incilərlə tanış ola bilirlər.
Böyüklər üçün parka giriş 2500 ¥, uşaqlar üçün isə 1200 ¥-dir.
Sevinc Nur © yapon.az 2016
