Çovğun nəticəsində 130 aviareys təxirə salınıb, 4 min ev işıqsız qalıb
Sapporo. Sevinc N. (yapon.az)
Bazar ertəsindən etibarən Yaponiyanın Hokkaido adasını bütövlükdə bürüyen çovğun nəticəsində şimal regionlarda 4 min evi əhatə edən əhali işıqsız qalıb. Yerli Kyodo informasiya agentliyinin verdiyi xəbərə görə, küləyin sürəti saniyədə 60 km teşkil edib. Meteroloqlar yalnız ötən gün ərzində adaya 50-60 m yağıntının düşdüyünü bildirirlər.
Hokkaidonun mərkəzi şəhəri Sapporonun Çitose hava limanında aviareyslər təxirə salınıb. Hava limanında qalan vətəndaşlar otel və ya onsenlərdə gecələməli olublar.
“RİA Novosti”nin verdiyi xəbərə görə, bütövlükdə 130 aviareys, hətta bir neçə dəmiryolu nəqliyyat vasitəsilə gediş-gəliş təxirə salınıb. Rəsmilər şəxsi minik avtomobillərdən maksimum şəkildə istifadə etməməyi məsləhət görür.
