Bu gün Google Yaponiyada ona həsr olunub. Çoxları onu tanımır. Elm dünyasında AİC-in yaradıcısı kimi tanınan Akaike Hirotuqu…
Hirotuqu Akaike (. 赤 池 弘 次, 5 noyabr 1927, Fujinomiya, Şizuoka (prefekturası),/ 4 avqust 2009, İbaraki, Yaponiya) Yapon alimi və statistikidir. 1970-ci illərin əvvəllərində o, hazırda Akaike-nin informasiya meyarı adlandırılan yeni informasiya meyarını təklif edib. Bu meyar modellərin qiymətləndirilməsi üçün bir çox sahələrdə geniş tətbiq tapmışdır.
O, 1952-ci ildə Tokio Universitetini bitirib. 1952-1994-cü illərdə Yaponiya Statistika Riyaziyyat İnstitutunda işləyib, 1986-1994-cü illərdə İnstitutun direktoru olmuşdur. 1961-ci ildə Tokio Universitetində doktorluq almışdır.
1970-ci ilin ortalarından 1980-ci ilin ortalarınadək TIMSAC proqram paketini genişləndirmişdir. 1971-ci ildə (“an information criterion”) adı ilə Akaike-nin informasiya meyarını (AİC) yaradıb. Bu, bir neçə statistik modeldən birinin seçilməsinə əsaslanan meyardır. Eyni dövrdə, Akaike məlumat meyarına dəyişikliklər hazırlayıb.
Mükafatları: Asahi mükafatı (1988), Kyoto mükafatı (2006).
Sevinc Nur © yapon.az 2017
