əvvəli burada.
Biva – qısasaplı, 4 telli, saza bənzəyən bir alətdir. Biva ilə ifa edilən musiqiyə bivaqaku deyilir.
Tsuzumi – qövdəsinin ortası qum saatı formasında buğumlu, iki üzlü bir növ nağaradır. Ənənəvi Yaponiya musiqisi ifa edilən alətlərdəndir.
Koto – təqribən iki metr uzunluğunda olan, sandığa bənzəyən ənənəvi yapon çalğı növüdür. Yeri dəyişdirilə bilən körpülər üzərinə qurulmuş 13 teldən ibarətdir. Körpülər ideal mövqeyə gətirilənədək hərəkət etdirilərək tellər akkordlanır. Baş barmağın ucuna, işarə barmağının ön üzünə və orta barmağın iç üzünə yerləşdirilən üç mizrabın köməyi ilə çalınır.
Yaponiyada 7-ci əsrdə ortaya çıxmışdır. Başlanğıcda elit bir musiqi aləti olaraq qəbul edilən və İmperator sarayında icra edilən koto, 17-ci əsrdən xalq tərəfindən də istifadə edilməyə başlanmışdır.
Şamisen – baçi adı verilən bir mizrap ilə çalınan üçtelli bir Yaponiya çalğı əlatidir. 16-cı əsrdə cənubi Yaponiyada meydana gəlmişdir. Əsasən teatr səhnələrində geniş istifadə olunur.
Şamisenin sapında pərdələri yoxdur. Gövdəsindəki pişik və ya it dərisidir. Keçmişdə xüsusi kağızdan istifadə edilmişdir lakin indiki vaxtda baçidə də, gövdədə də plastik materialdan istifadə olunur. Fərqli ölçüləri vardır.
Şakuhaçi – beş dəlikli, iki oktavlı səs aralığına sahib, bambuk ağacından hazırlanan bir növ fleytadır. Ənənəvi Yaponiya musiqisi alətlərindəndir. Neyə bənzəyir.
Taiko – ənənəvi yapon döyüş nağarasıdır. Çalınması sadədir. Qədimdə döyüşlərdə əsgərin əhvalını yüksək tutmaq və ordulararası ünsiyyəti “canlı” tutmaq məqsədilə çalınırdı.
Xatirə fərzəli © yapon.az 2016
[…] ardı burada […]