Çox zərif vagaşi sakura (和菓子 桜) “jelly”nin hazırlanması üçün bizə lazımdır:
- Sakura likoru – “Japone” 50 ml
- Su – 200 ml
- Şəkər tozu – 40 q
- Aqar tozu – 2 q
- Duzlu albalı çiçəkləri – 3 ədəd
- Qəlib – 3 ədəd
Hazırlanma qaydası:
Çiçəklərin duzu çıxardılır, süzülür.
200 ml su qaba tökülür, mikrodalğalı sobada (500 W) 2 dəqiqə saxlanılır.
Aqar tozu suya əlavə edilir, yaxşıca qarışdırılır. Alınan qatışıq mikrodalğalı sobada 1 dəqiqə saxlanılır (500 W). Şəkər tozu əlavə edilir. Qarışdırılır və yenidən məhlul mikrodalğalı sobada 1 dəqiqə saxlanılır (500 W). Daha sonar likor (50 ml) əlavə edilir və qarışdırılır.
Qəliblərə çiçəklər yerləşdirilir. Alınan məhlul qəliblərə əlavə edilir. Ağzı bağlanılır. Otaq temperaturunda 2 saat saxlanılır.
Boşqaba boşaldılır.
Vaqaşi hazırdır.
いただきます!
Sevinc Nur © yapon.az 2014
