Cənubi Koreyada İkinci Dünya Müharibəsi dövründə koreyalı qadınların zorla fahişəlik etdirilməsinə etiraz edən 81 yaşında kişi özünü yandırdı
Cənubi Koreyanın paytaxtı Seulda keçirilən etiraz aksiyasında yapon əsgərlərin zorla fahişəlik etdirdikləri koreyalı qadınlardan üzr istəməsi tələb edilib. Etiraz zamanı 81 yaşında olan koreyalı kişi özünü yandırıb. Vəziyyəti ağır olmayan qoca dərhal xəstəxanaya çatdırılıb.
Cənubi Koreya Yaponiyanın üzr istəməsini tələb edir
Cənubi koreyalılar Şinzo Abenin İkinci Dünya Müharibəsinin bitməsinin 70-ci illiyinə həsr edilən tədbirdə “cinsi qul” olaraq istifadə edilən qadınlardan üzr istəməsini gözləyir. Cənubi Koreyanın xarici işlər naziri 15 avqustda keçiriləcək tədbirdə Ş.Abenin üzr istəməsini tələb edir.
Xatırladaq ki, Yaponiyanın keçmiş baş naziri Tomiçi Murayama 90-ci illərdə İkinci Dünya Müharibəsində baş verən hadisələrə görə üzr istəmişdi.
Gülşən Cabbarlı © yapon.az 2015
