Şiqeki Tanaka (田中茂樹) yaponiyalı təqaüddə olan uzun məsafədən qaçış üzrə idmançıdır. Hiroşimoda atom bombası partlayışı zamanı sağ qalmış Şiqeki Tanaka 6 il sonra Boston marafonunda finişə birinci çatır. O, finiş xəttini keçəndə kütləyə səssizlik çökür. 1951-ci ildə baş tutan bu marafonda onun 19 yaşı vardı.
“The Northern Star” – Lismore (Böyük Britaniya, Şotlandiya) şəhərində çıxan gündəlik qəzetin 21 aprel 1951-ci sayında Avstraliya agentliyinə istinadən Şiqekinin qələbəsini şərh edən xəbərdə deyilir: “Atom bombasının xilaskarı Boston qaçış marafonunun qalibi olub (cümə, AAP). Hiroşima atom bombardmanından xilas olan arıq yaponiyalı hər il keçirilən qaçış üzrə Boston marafonunda qələbə üçün yarışıb. 19 yaşlı Şiqeki Tanaka 157 nəfərin iştirak etdiyi yarışda 26 mil 385 yard (1 mil = 1.609344 km, 1 yard = 0.00091440 km-dir) məsafəni 2 saat 27 dəqiqə 45 saniyəyə qət edib”.
Materialın əsli burada yerləşir.
Sevinc Nur © yapon.az 2014
