Yağış mövsümü

Yay fəslinin əvvəllərində Yaponiyanın əksər hissələrində “tsuyu” və ya “baiyu” adlanan (hərfi mənada “gavalı yağış” (ingiliscədə “plum rain”) – çünki gavalının yetişmə dövrünə təsadüf edir) yağış mövsümü başlayır.

Yağışların yağmasının səbəbi şimaldan gələn soyuq və cənubdan isə isti hava kütlələrinin toqquşması nəticəsində Yaponiya arxepelaqı üzərində formalaşan qeyri-sabit hava şəraitinin yaranmasıdır. Belə yağışlı günlər bir neçə həftə davam edir. Lakin bu o demək deyil ki, yağış günlərlə aramsız yağır. Müqayisə üçün qeyd edim ki, məsələn, Tokioda iyun ayında təqribən 12 yağışlı gün, 120 saat isə günəşli gün qeydə alınır. Yağıntıların miqdarı isə təbii ki, sabit olmur.

Yaponiyanın əksər ərazilərində yağış mövsümü iyunun əvvəlindən iyul ayının ortasına kimi (Honşyu, Kyuşu və Şikoku adalarında) davam edir. Kansai və Kanto regionlarında təqribən yağış mövsümü iyunun 7-dən iyulun 20-dək davam edir. Okinava adasında isə, bu hava kütlələrinin təsiri daha bir ay əvvəldən hiss olunur. Burada yağıntıların başlanması mayın əvvəllərinə təsadüf edir və iyunun ortalarınadək çəkir. Yalnız Yaponiyanın ən şimal adası Hokkaido yağışlı günlər dövründən daha az əziyyət çəkmiş olur. Nəzəri cəhətdən belə olsa da, artıq ikinci həftədir ki, Sapporoda dayanmadan yağış yağır.

Aşağıdakı cədvəldə də bəzi ərazilərdə yağışlı günlər və onların müddəti ilə tanış olmaq olar:

Ərazi başlayır bitir
Okinava 8 may 23 iyun
Cənubi Kyuşu 29 may 13 iyul
Şikoku 4 iyun 17 iyul
Kinki (Osaka, Kioto daxil olmaqla) 6 iyun 19 iyul
Kanto (Tokio daxil olmaqla) 8 iyul 20 iyul
Şimali Tohoko 12 iyun 27 iyul

Sezonu bəzən “samidare” (五月雨- hərfi mənada, “yağış yağa bilər (Yaponiyanın milli kalendarında)”) – müasir kalendarda iyun ayına təsadüf etdiyindən belə adlandırırlar.

Noyabrın ortaları və dekabrın əvvələrinə təsadüf edən yağışlı günlər “Sazanka tsuyu” (hərfi mənada “Kamilli yağışlı günləri” – mövsüm çiçəklərinin açma vaxtı ilə eyni dövrə düşdüyü üçün) adlandırılır.

Bununla belə, turistlər üçün o qədər də əlverişli hesab edilməyən bu günlərdə açıq havada olan turizm obyektlərinin yeni sezona hazırlanması üçün imkan yaranır.

Qeyd edim ki, bəzi məkanlar əslində elə yağışlı və dumanlı günlərdə də maraqlı olar; belə ərazilərə bəzi dini məbədlər, dağ meşələri, bağlar misal ola bilər. Yağış sezonu dövründə insanlar daha çox isti çay yanında şiriniyyatla evdə film seyrtetməyi üstün tutsa da, Koya dağı (Koyasan, Okunoin), Hakone (Fuci dağı), isti bulaqları ziyarət etməyi seçənlər də az deyil.

Sevinc Nur © yapon.az 2014
Advertisements

One thought on “Yağış mövsümü

  1. Geri izləmə: Yaponiyada fəsillər

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma