2012-ci il may ayının 12-də yapon.az İdarə Heyətinin təşəbbüsü və Azərbaycan Dövlət İqtisad Universitetinin (ADİU) dəstəyilə “Haru (Yaz) Party” təşkil edilib. Fərdi şəkildə yapon dilini öyrənən tələbələrin hazırladığı tədbirdə bir-birindən maraqlı səhnəciklər nümayiş olunub, tələbələrin ifasında yapon dilində müxtəlif mahnılar səsləndirilib. Tələbələrin iştirakı ilə hazırlanan mini konsert, “Tık-tık xanım Yaponiyada” teatr səhnəciyi, “Labirint” rep qrupunun çıxışı xüsusi marağa səbəb olub. Həmçinin, tədbir zamanı Azərbaycanda ilk dəfə “Hoşi o ou kodomo” animesi azərbaycanca altyazılı nümayiş olunub.

Eyni zamanda, tədbir iştirakçıları üçün karaoke, fotosessiya təşkil olunub.

Tədbirdə Yaponiya səfirliyinin nümayəndələri də iştirak edib.

Tədbirin təşkilində əsas məqsəd Yaponiya və bu ölkənin mədəniyyətini sevərləri bir araya toplayıb asudə vaxtı səmərəli keçirmək olub.

Labirint rep qrupunun çıxışı

“Tık-tık xanım Yaponiyada” teatr səhnəciyi (Rollarda: Aidə Şiriyeva, Əli Hüseynov, Pərvanə Məstiyeva, Kərəm Əsgərov, Tural Ali, Gülşən Cabbarlı)

“Zutto” mahnısı yapon dili tələbələrinin ifasında (soldan: Fəzilə Adilqızı, Nuranə Səmədova, Rəşid Ələsgərov)

“Hoşi o ou kodomo” animesinin azərbaycanca altyazılı nümayişi (Tərcüməçilər: Qabil Əliyev, Gülşən Cabbarlı, Rüstəm Nağızadə)

Mini konsert. (Gitarada ifa edirlər: Qabil Əliyev, Kərəm Əsgərov. Solist: Səbinə Rəhimzadə)

Gülşən Cabbarlı © yapon.az 2012